LOOK| Angel Locsin, posibleng sampahan ng reklamo dahil sa nangyari sa kanyang dinumog na community pantry "May namatay Kasi!"

Naghahanda na ang Barangay Holy Spirit, Quezon City para sampahan ng reklamo ang aktres na si Angel Locsin matapos dagsain ang kanyang community pantry na kanyang itinatag sa kanyang kaarawan.

Matatandaan na dinumog ang nasabing community pantry ni Angel matapos niyang i-anunsyo ang kanyang plano isang araw bago ang kanyang kaarawan.

Kahit mismong si Angel ay hindi inaasahan ang pagdagsa ng tao kung saan ay may isa pang matanda na nakapila ang nasawi.

Ayon sa mga opisyal ng Barangay Holy Spirit, maaring nilabag ni Angel ang IATF protocols dahil sa kanyang community pantry dahil makikita ang pagsisiksikan ng napakadaming tao na gustong makakuha ng libreng pagkain.

Wala din daw ginawang koordinasyon ang aktres sa mga opisyal ng barangay kaya naman pati sila ay hindi nakapaghanda para kontrolin ang pagdagsa ng tao.

Sa kanilang estima, umabot ng tatlong libong tao ang dumating sa kaarawan ng aktres habang 300 lamang ang stubs na naipamigay nila kaya naman kulang na kulang ito.

Madami din daw ang nadismaya dahil umuwi sila na walang napala sa kaarawan ng aktres.

Humingi naman kagad ng tawad si Angel sa nangyaring kaguluhan sa kanyang pantry.

“Sa lahat po ng naabala ngayon, pasensya na po. Hindi po ito talaga ang intensyon natin. Kahit anong paghahanda namin para ma-avoid yung gantong gulo, hindi lang talaga siya ma-control kahit na nandito na yung munisipyo, military, pulis, barangay,” ani Angel.

“Sa mga hindi po mabibigyan today, nais ko din humingi ng pasensya. Gustuhin ko mang mag-abot, I don’t think papayagan ako ulit na gawin ‘to. Baka ipahatid na lang namin to kung ano mang matitirang goods sa area para mapakinabangan ng iba. Pasensya na po. Gusto ko lang po talagang i-celebrate ang birthday ko na makatulong sa ibang tao. Hindi ko po intensyon na makagulo,” dagdag niya pa.

Hindi pa nagbibigay ng pahayag si Angel sa planong ikaso sa kanya ng nasabing barangay.